junio 15, 2018

E agora... que leo?

E agora ...que leo? é unha nova sección que comezamos na biblioteca na que recomendaredes ós vosos compañeiros os libros que máis vos gustan.
Gravaremos os videos en croma e accederedes a eles grazas a un código QR que poderedes ler coa tablet.
Pois aquí vos deixo o primeiro que gravaron as nenas de 6º. Neste caso María vai ser a primeira en explicarnos cal é o seu libro favorito.


mayo 30, 2018

CONTACONTOS NA BIBLIOTECA

Durante esta semana temos contacontos na biblioteca. 
Lola e Elena vannos representar a obra de Carlos Labraña "O Valo" gañadora do IX Premio Manuel María de Literatura Dramática Infantil 2016
A obra está protagonizada por dous personaxes únicos Soldadiño e Sahara e é unha homenaxe a todas as nenas e nenos vítimas dos desprazamentos causados polas guerras, guerras como a de Siria e as inxustizas daqueles lugares onde os nenos e as nenas medran sendo soldados.

mayo 25, 2018

Celebramos "As Nosas Letras"





  • Aprendimos a ler e escribir en Braille







  • Completamos o cómic que fixeron os compañeiros e compañeiras de 1º e 2º. Colocamos os bocadillos!!!!






  •  Realizamos a nosa popular" Xincana das Letras Galegas" 

  • Escribimos e ilustramos poemas de Mª Victoria e colgámolos polas árbores, farolas, roseiras... do exterior do colexio e invitamos a todos os viandantes a levar os nosos agasallos por todo o pobo ou incluso máis aló.

mayo 21, 2018

CONTACONTOS NA BIBLIO

Flora ten un segredo!!!!!!!!
Un segredo que coñecen mooooi ben os nenos e nenas de 2º de Ed. Primaria.
Ti queres coñecelo? Pois esta semana na biblio vánnolo contar.
Os nenos e nenas de 1º xa o coñecen!!!!!

mayo 09, 2018

LETRAS GALEGAS 2018

                                                                                                                                                                    LETRAS GALEGAS 2018                        MARÍA VICTORIA MORENO       


mayo 04, 2018

Un curso máis, Plan Director na biblioteca

Un curso máis o noso centro e a nosa biblioteca acolle o Plan Director  para 5º e 6º de Educación Primaria e un ano máis abordamos o tema do acoso escolar.
Este é un dos vídeos que comentamos na sesión  e que queremos compartir  con todos vós.


mayo 03, 2018

AÍ VÉN O MAIO: CONTAMOS O QUE INVESTIGAMOS

O alumnado de sexto de Ed. Primaria escolleu a biblioteca para contarnos a todos e todas o que estiveron investigando acerca da festa dos Maios.
Formularon todas as preguntas que querían investigar; fixeron unha listaxe de posibles fontes de información, ademais das facilitadas na biblioteca; elaboraron un informe e finalmente fixeron unha exposición en formato mural.


Parabéns a todo o alumnado polo traballo ben feito!!

abril 26, 2018

AÍ VÉN O MAIO : ENCONTRO COS NOSOS MAIORES

En Mugardos celebrábase a festa dos Maios? Pois quen mellor que os nosos maiores para contalo.

O xoves 26 de abril tivemos o gusto de contar na nosas biblioteca coa visita de cinco persoas maiores, algunhas delas avós e avoas de alumnas do cole, para contarnos como celebraban elas de nenas a festa dos Maios. Ademais contáronnos como era o colexio da súa nenez e a que xogos xogaban na escola e nas rúas.

Queremos agradecer á Asociación Cultural Apelón que fixeran posible este entrañable, interesante e enriquecedor encontro.
Esperamos que non sexa o último.

Moitísimas grazas a todos e todas.

abril 25, 2018

AÍ VÉN O MAIO : Na procura de información

Que son os Maios? Cando se celebran os Maios? Dende cando existe esta festa? En Mugardos tamén se celebraba?...
Todas estas preguntas e moitas máis andan estes días de abril percorrendo todas as aulas do noso colexio.
Na biblioteca temos na mesa de exposicións unha selección de material relacionado cos Maios para encontrar respostas a todas esas preguntas que roldan nas nosas cabezas sobre esta celebración.

abril 24, 2018

DÍA DO LIBRO : APADRIÑAMENTOS LECTORES

Un ano máis sacamos os libros ó patio e disfrutamos dun espectacular día cos nosos compañeiros e compañeiras e dunhas fantásticas historias.

Ademais contamos cunha sorpresa....un agasallo mooooi especial!!!!

Feliz día a todos e todas!!!!

abril 23, 2018

ENCONTROS NA BIBLIOTECA : BEATRIZ MACEDA

Hoxe , día do libro, contamos na nosa biblioteca coa visita da escritora e antiga mestra deste colexio, Beatriz Maceda.
Beatriz estivo cos nenos e nenas de 4º, 5º e 6º de Ed. Primaria para charlar sobre o seu libro "O album de Garrincha" que tanto gustou a todo o noso alumnado.
Neste encontro tivemos a oportunidade de coñecer mellor a Beatriz na súa faceta de escritora así como ós personaxes do seu libro.

Grazas, Beatriz ,
por compartir con todos nós un día tan especial na nosa biblioteca que sempre será tamén un pouquiño túa.

abril 22, 2018

DÍA DO LIBRO 2018 : MANIFESTO POR FRAN ALONSO

Díptico enviado pola Asesoría de Bibliotecas Escolares de Galicia

abril 12, 2018

POEMANDO : POEMAS E ROBÓTICA

Temos na biblioteca novas plantillas para os nosos robots; desta volta a temática son.... OS POEMAS 

                                                                                               ...anímaste ?
     
                              ....pois pásate pola biblio e proba!!!!

abril 10, 2018

POEMANDO : MÚSICA E POESÍA

Hoxe o noso tendal poético converteuse nun escenario de luces, sombras e música en directo a cargo dos nosos alumnos para acompañar o recital de poesía.

FERMOSO, MOI FERMOSO....!!!!

marzo 22, 2018

POEMANDO : OBRADOIRO DE ANPA NA BIBLIOTECA

Este curso, por primeira vez, a ANPA  do colexio organizou un obradoiro de poesía para os nenos e nenas  e as súas familias.
O obxectivo foi acadado con creces : pasar unha tarde divertida escoitando,lendo e creando poesía nun ambiente tan familiar para os rapaces como é a biblioteca do cole e ademais acompañados dos seus pais, nais irmáns...

Parabéns para a organización e grazas ás familias por achegarse ata a biblioteca.

marzo 21, 2018

POEMANDO : TENDAL POÉTICO

Creamos poemas na biblioteca...
                                     na casa....
                                           no patio...
                                                   nas aulas...

e...sacámolas " a clareo" no noso TENDAL POÉTICO.




POEMANDO : CARREIRA DE RELEVOS

GÚSTANOS CORRER
GÚSTANOS LER
GÚSTANOS CREAR
GÚSTANOS ESCRIBIR
GÚSTANOS DEBUXAR
GÚSTANOS COMPARTIR...


...pois estaba claro que esta actividades "Carreira de relevos poética· tiña que ser un éxito xa que tiña todos os ingredientes necesarios para selo.

marzo 18, 2018

CROMA NA BIBLIOTECA

Xa podemos gravar en croma ,unha técnica que nos vai permitir facer uns vídeos super chulos. Aquí podedes ver os primeiros  vídeos que gravaron os nenos e nenas de 6º de Ed. Primaria para o proxecto.







marzo 16, 2018

ROBÓTICA NA BIBLIOTECA


O equipo de mestras do cole estamos a realizar un curso de formación en robótica.
 E.....xa chegaron á nosa biblio os primeiros robots.
Durante esta semana estivemos aprendendo o seu funcionamento e as súas aplicacións dentro do noso programa educativo.
Comezamos a diseñar, profesorado e alumnado, as nosas primeiras plantillas e...
Gústanos a iniciativa.
Teremos que buscarlles un sitio permanente na bilio para o vindeiro curso!!!!!!!

febrero 05, 2018

ENTROIDO EN GALICIA....COÑÉCELO?

Queres coñecer as peculiaridades do Entroido galego? Pois na biblioteca tés  ademais de libros, varios xogos  de: memoria, dados , crebacabezas...que de seguro vante axudar a descubrilo.
Pásate  e disfruta!!!

diciembre 20, 2017

O NOSO AGUINALDO

Recomendacións lectoras

diciembre 16, 2017

CONTACONTOS NA BIBLIO...HOXE EN INGLÉS

Un ano máis temos a sorte de que  Mº Victoria Vázquez  visite a nosa biblioteca. Desta volta vainos contar a historia do Grinch e a súa teima co Nadal.:  "How the Crinch stole Christmas"
Moitísimas grazas a Asociación Apelón por contar con nós para esta actividade
 e moitísimas grazas a
 Mª Victoria.

diciembre 15, 2017

Contacontos na biblio

Hoxe temos contacontos na biblioteca. Un contacontos moi querido por todos nós , bueno máis ben unha contacontos.
Hoxe estará con nós Aida , a nai de Xoel, que ataviada co seu mandil máxico vainos contar a historia de Martiño, e o seu peculiar problema na noite de Reis.
Disfrutade moito e...
Moitísimas grazas Aida!!!!

noviembre 27, 2017

DEREITOS DAS NENAS E NENOS

                                                                                                                         
"Xunt@s polos dereitos d@s nen@s" con este slogan celebramos este curso o Día dos Dereitos dos Nenas e os Nenos e cunha divertida xornada intercentros .
 Queredes saber que fixemos?
Pois non tes máis que clicar no blogue de Ed. Infantil   Os Milicroques .

noviembre 26, 2017

CEIP UNIÓN MUGARDESA , EN NEGRO

CEIP UNIÓN MUGARDESA, en NEGRO contra  a VIOLENCIA DE XÉNERO



 Nestas datas ...
                                      Lecturas compartidas, contacontos, dramatizacións, debuxos....

                                                        CONTRA A VIOLENCIA DE XÉNERO

noviembre 03, 2017

POLO SAMAÍN...

LECTURAS... DE MEDO
CONTACONTOS... DE MEDO

OBRADOIRO DE CONTOS...DE MEDO

octubre 26, 2017

Contacontos na biblio :"Es un libro"

Seguindo co programa da celebración do Día das Bibliotecas Escolares , Laura e Olalla  contaron e dramatizaron o fantástico libro de Lane Smith
                        "Es un libro".

Fantástica interpretación!!!!


octubre 23, 2017

DÍA DAS BIBLIOTECAS ESCOLARES


"O Día 24 de outubro celébrase o Día da Biblioteca. Van xa máis de dúas décadas desde que a Asociación Amigos del Libro Infantil y Juvenil propuxera esta data para facer fincapé nos beneficios destas institucións ao servizo da lectura, da cultura e da cidadanía. Posteriormente, o Ministerio de Cultura apoiou esta celebración e todos os anos edítase un cartel cun texto conmemorativo e realízase un acto de celebración oficial. 

O departamento de Educación da Consellería de Cultura, Educación e O.U vén publicando desde 2008 uns carteis que pretenden facer visibles as distintas oportunidades e posibilidades da biblioteca escolar, porque o Día 24 de outubro é tamén o DÍA DA BIBLIOTECA ESCOLAR, por ser esta unha biblioteca esencial xa que por ela pasa toda a poboación escolar dun país. Cada ano proponse un lema e encárgase a súa interpretación a un creador ou a unha creadora do fértil mundo da ilustración en Galicia. Xosé Tomás é o ilustrador que este ano achega a súa creación a todas as bibliotecas escolares do territorio galego. Aprender a pensar coa biblioteca escolar, o lema elixido nesta ocasión, convida ao aproveitamento dos recursos, dos espazos, dos tempos e das actividades que a biblioteca facilita a toda a comunidade educativa"


E nós tamén imos conmemorar esta data ó longo da semana co seguinte programa:

.TEATRO NO COLE 
O grupo A tropa de Trapo representará no noso cole a obra "Ti tamén contas"

. ENCONTROS NA BIBLIO CON: VÍCTOR RODRÍGUEZ

O pintor Víctor Rodríguez visitará a nosa biblioteca para falarnos dos seus cadros sobre "As Meninas".

 .Primeira sesión de contacontos  na biblio

Laura e Olalla de 6º de Ed. Primaria farán unha peculiar representación do libro de Lane Smith "Es un libro".

.TALLER DE MARCAPÁXINAS

.ENTREGA DAS MOCHILAS VIAXEIRAS

.PRESENTACIÓN DE NOVIDADES

octubre 22, 2017

TÍ TAMÉN CONTAS


Grazas ao Fondo Galego de Cooperación e Solidariedade  disfrutamos, xunto cos compañeiros e compañeiras do cole de Franza ,do grupo A Tropa de Trapo co espectáculo "Ti tamén contas"

A actividade consistiu en diferentes contacontos, acompañados de xogos e dinámicas participativas.


TI TAMÉN CONTAS é máis ca un espectáculo de contos. Hai contos pero tamén hai debate. Porque nós temos cousas que contar, pero o público tamén.

Arrincamos primeiro cuns contos que porán enriba da mesa diferentes cuestións. E despois xogaremos a debatir todos e todas a través de dinámicas activas e participativas.

E de que falaremos?

Entendemos que para a sensibilización sobre a cooperación e a solidariedade é preciso primeiro unha reflexión sobre o mundo. Comezando polo mundo que nos rodea, no que a nosa acción é máis directa e tanxible.

Por iso, cos contos, cuestionaremos :
- a abundancia de cousas materiais, os xoguetes que temos, os que precisamos e os que non usamos,
- a relación entre ter moito é ser feliz, o que pensa a xente, o que pensan eles
- as consecuencias que ten esta abundancia de cousas para unha parte do mundo, as consecuencias do traballo en condicións de explotación, o traballo infantil
- a importancia de axudarse e colaborar para mellorar o mundo no que vivimos, os efectos das nosas accións sós e en comunidade

Nós poñemos as historias e o público pon as reflexións. Compartirémolas xogando, entre todos e todas. Porque todos contamos.

Os Contos :

- O home feliz
Nun reino había un príncipe que non era feliz. Enfermou de tristura e seu pai, o rei, intentouno todo para curalo. O único remedio era atopar un home feliz, quitarlle a camisa e vestir con ela ao príncipe.
Partiu entón o rei en busca do home máis feliz do reino... pero, quen podía ser?
Comezou entón unha viaxe cuestionando a felicidade, as comodidades, o que pensamos que nos fai felices e o que nos fai felices de verdade.


- A pelota
Ailé xogaba sempre cunha pelota. A súa pelota preferida. Un invento marabilloso.
Pero un día preguntouse quen sería a mente brillante que faría esa pelota. Imaxinou que sería alguén moi importante. Pero a realidade era outra. Noutro país, moito máis pobre có seu, era un neno coma el o que facía as pelotas. Un neno que nin tan sequera tiña unha das pelotas que fabricaba.


- Tumbé
Un furacán tropical arrasou coa vila ribeirana de Tumbé e a xente quedou sen nada. Lonxe dalí, un home cunha avioneta xuntou comida e medicinas e levounas, pero caeulle unha mochila. E Tumbé quedaba moi lonxe.
Era imposible que a mochila chegase a Tumbé.
Comezou entón para esta mochila unha viaxe de ombreiro en ombreiro, por terra e por mar, cun vello, cun corvo, cunha sardiña... para demostrar que, se non nos rendemos, o imposible tamén pode ser posible.
E aínda que pareza imposible, a mochila chegou a Tumbé. Pero este non era o final da historia...