Un Agasallo : un Libro

Velaquí tedes as nosas suxestións para este Nadal. Botádelle unha ollada e animádevos a incluir algún título nas vosas cartas. Se queredes coñecer máis a fondo os libros clicade enriba deles.
Dende a biblioteca do dragón..... BO NADAL e FELIZ ANINOVO.

O APALPADOR

SORPRENDIDOS de atoparme aquí?  Ja, Ja, Ja,  máis de un levou un bo susto ó entrar na biblioteca. Eu son o Apalpador e o voso amigo Dominicus invitoume a pasar uns días na vosa biblioteca. Aquí estarei ata o venres disfrutando dos vosos libros e agardando polas vosas cartas. Se queredes coñecer a miña historia aquí vos deixo un video que fixeron no Ceip de Quiroga e aos que lles damos as grazas por compartilo con todos nós.
 Espero que vos guste!!!!!!

10 de decembro : Día dos Dereitos Humanos

Durante toda esta semana compartimos a lectura do libro sobre Nelson Mandela  "Mi nombre es..Nelson Mandela". Falamos dos Dereitos Humanos, das desigualdades...Aprendimos palabras novas como Apartheid, e Segracionismo. Recoñecimos a importancia da figura  de Madiba como Premio Nobel da Paz.  E para rematar fixemos  a nosa particular homenaxe con esta recopilación dalgunha das súas frases.
Ademáis colgamos polos corredores do colexio uns orixinais caligramas cos Dereitos Humanos.

Powered by Issuu

Publish for Free

LECTURA COMPARTIDA : YO SOY...NELSON MANDELA

Dende a nosa biblioteca queremos despedir a Nelson Mandela coa lectura compartida, durante esta semana, da súa biografía.
A raíz da lectura do cartel de despedida que nos fixo Rosana do Ceip de Pazos os nenos e nenas de sexto tamén quixeron recordar a figura de Madiba facendo unha selección das súas frases. Están confeccionando un mural con todas elas,  que logo colgaremos no blog.  Aquí vos deixo  un adianto.
"Se queres facer as paces co teu inimigo, tes que traballar co teu inimigo. Entón el vólvese o teu compañeiro".
"Despois de escalar un grande outeiro, un encóntrase só con que hai moitos máis outeiros que escalar".
"Sempre parece imposible ata que se fai"
"Ninguén nace odiando outra persoa pola cor da súa pel, ou a súa orixe, ou a súa relixión"
"A maior gloria non é nunca caer, senón erguerse sempre"
...
                                                                                                                                                        ... ATA SEMPRE

25 de novembro : Contra a Violencia de Xénero

" ... - Que te aburriches!- berraba Artur indignado- Só os parvos se aburren"
"... A Clementina dáballe vergoña ser tan parva"
" ... _ Que vas tocar ti a frauta! Estou seguro que non vas ser capaz"
" ... - Pero que che pasa agora? outra idea ridícula. Non pensarás que es artista? Vaia parvada"
"...non vaia ser o demo que Artur se farte de ter unha esposa tan burra.Esforzareime por falar o menos posible"
"... -Que farías ti sen min?- dicíalle el.

...CANDO UNHA MAÑÁ DE PRIMAVERA CLEMENTINA DECIDIU QUE A SÚA VIDA NON PODÍA SEGUIR ASÍ.
...AS CRÍTICAS DE ARTUR XA TANTO LLE TIÑAN...
...E UN DÍA AO REGRESAR ARTUR ATOPOU A CASA BALEIRA.

O CÚ DA RAÍÑA

Para a maioría este rincón non precisa presentación, xa que é un dos máis pintorescos da vila de Mugardos. Pero para os que non o saibades, esta rocha que aparece en primeiro término é coñecida como o "Cú da Raíña". En 1690, a princesa Mariana de Neoburgo veu a contraer matrimonio co rei de España Carlos II. Por mor do mal tempo, tivo que desembarcar nesta pequena rocha redondeada, que desde entón se coñece por ese nome.
En recoñecemento á calurosa acollida dos mugardeses á futura raíña, o rei eximíu aos seus habitantes do servicio militar e concedeu o título de Real Villa ao pobo, descoñecendo que xa o seu avó, Felipe IV, o fixera antes. É por iso que Mugardos é Real Vila dúas veces e por iso luce dúas coroas no seu escudo.

Pois ben, esta foi a lenda escollida para conmemorar a Semana da Literatura de Tradición Oral e que foi recorrendo todos os recunchos do noso cole e os de Apelón.

Apadriñamentos para a semana da Literatura de tradición oral

Para conmemorar esta data imos compartir unhas xornadas ao máis estilo tradicional . Os rapaces de 3º e 4º van escoitar unha lenda tradicional de Mugardos da man da profe Pili .Van ter que estar moi atentos xa que van ser os encargados de contala de novo aos seus compañeiros de 5º e 6º , en pequenos grupos, igual que cando facemos os apadriñamentos. E os de 6º e 5º terán que contala aos máis pequenos do cole.

                                   A DISFRUTAR!!!

8 de novembro: Celebramos o magosto

Con  ARCIMBOLDO  e o seu cadro de OUTONO comezamos a celebración da festa. Moitas papeletas acertadas no concurso pero...unha soa gañadora : Sabela Martínez de sexto.
 NORABOA Sabela, e sobre todo GRAZAS a todos os paticipantes.
 Continuamos coa exposición de cabazas  .Este ano o xurado o tivo mooooi complicado xa que o listón estaba altísimo como veredes nas fotos.

Presentamos a recopilación das cantigas, refráns, poemas... que formará parte dos fondos da nosa biblioteca.
                                                     E para rematar a festa xogos populares e degustación de castañas.!!!!!

                                                 Unha boa xornada de convivencia!!!!.

FESTA DE OUTONO

Comezamos a semana coa preparación da festa de outono. Este ano centrarémonos sobre todo nas actividades relacionadas con este tempo: vendima, esfollada, recolleitas...
Como todos os anos precisamos da túa colaboraración para.....

- Ambientar a biblioteca e a entrada ao cole .
- Seleccionar libros para a exposición temática.
- Participar no libro cooperativo.

e...CONCURSO 
                   Cal o nome do autor e o nome do cadro que ilustra esta entrada?
Se sabes a resposta...PARTICIPA.

DÍA DAS BIBLIOTECAS ESCOLARES

As CAIXAS DE AULA saen hoxe da biblioteca cargadiñas de libros relacionados coa ciencia. Durante unha semana estarán nas aulas para que poidades disfrutar dos máis sorprendentes experimentos, dos avances tecnolóxicos, dos distintos ecosistemas , do universo...en fin unha gran variedade de libros.
 Cada aula fará unha selección dos tres libros máis interesantes e os presentaremos nunha exposición na biblio nas vindeiras semanas.

Os nosos compañeiros e compañeiras de Ed Infantil ademáis de ler libros xa puxeron en práctica algúns dos experimentos.Se queres botar unha ollada pincha no seguinte enlace: Ler ciencia en Ed.Infantil.

A VOLTA Ó MUNDO EN 80 DÍAS

No mes de novembro o terceiro ciclo iremos ó teatro a Narón a ver a obra "A volta ó mundo en 80 días"
Un protagonista, Philes Fogg, o seu criado e unha aposta descabellada : dar a volta ó mundo en 80 días, son os principais ingredientes desta obra de teatro baseada na gran obra de Julio Verne.
A compañía Gorakada creará no escenario esta fantástica aventura con bo humor, imaxinación e con música en directo. Acompañados os actores e actrices dunhas orixinais marionetas e unha curiosa escenografía baseada en maletas para realizar as viaxes en ferrocarril, barco ou elefante.

Durante esta semana teremos na biblioteca varias sesións de lecturas compartidas desta fantástica obra.

As mochilas viaxeiras

Que contenta vai Sabela!!!

Este mércores fixemos na biblioteca a presentación das mochilas para este curso. Como todos os anos cargadiñas, cargadiñas  de fantásticos libros que están desaxando probar os fermosos marcapáxinas comelibros.

Marcapáxinas divertidos

Os nosos marcapáxinas

Esta semana aprendimos na biblioteca a facer un divertido marcapáxinas: O Comelibros.
Aquí vos deixo un video tutorial para que podades facer moitísimos máis coas vosas familias.

XA ESTAMOS DE VOLTA

Xa estamos aquiiiiiiii! Un curso máis a biblioteca do dragón abre as súas portas e convida a todos a pasar un montón de horas divertidas. Benvidos!!!!

PRESENTACION BIBLIOTECA - presentacion imagenes

17 DE MAIO : DÍA DAS LETRAS GALEGAS

E... seguimos co teatro!!!! Este ano a Real Academia Galega acordou adicarlle  o Día das Letras Galegas 2013 a Roberto Vidal  Bolaño figura imprescindible no teatro galego. Na biblioteca tedes unha exposición dalgunha das súas obras así como dos datos máis significativos da súa vida e obra.
A continuación vos deixo unha presentación feita por Xoaquín  Freixeiro  e un enlace a unha recopilación de recursos elaborada por Asunción García Álvarez.
Grazas compañeiros  por compartilo con todos nós!!!

7 de maio : " O GATO SOL"

O  Gran Teatro Dominicus preséntanos neste día unha fantástica historia  co Kamishibai que prepararon os nenos e nenas de 4º de primaria e que leva por título " O gato Sol".

2 de maio : "OS VELLOS NON DEBEN DE NAMORARSE"

Seguindo a carteleira do Gran Teatro Dominicus , temos o gusto hoxe de disfrutar dun fragmento da obra de Castelao "Os vellos non deben de namorase" representada por un grupo de nenos e nenas de sexto. Prepara a túa invitación e disponte a pasar un rato moi divertido con esta obra.

30 DE ABRIL : ARRIBA O TELÓN!!!!

  O Gran Teatro Dominicus estrea hoxe a súa primeira obra , un fragmento de      Fuenteovejuna  escrita no 1610 por  Lope de Vega .
Xa tes a túa invitación? Pois prepárate para disfrutar dun anaquiño dunha das obras máis representativas do teatro español.

TEATROS DO MUNDO

Esta é unha pequena mostra dos marabillosos teatros que hai en todo o mundo, dende os máis clásicos e antigos como o Teatro romano de Mérida ata ós máis modernos como o de Sidney.
 Cal é o teu preferido ? Neste gloster tes información dos dez seleccionados pola biblio. Deixa o teu comentario de cal é o que máis che gusta desta lista ou outro que ti prefiras e que aquí non apareza.

ARRIBA O TELÓN !

" O Gran Teatro Dominicus" ten o pracer de convidarvos durante todo o mes de maio a un montón de espectáculos e actividades.Estamos instalados na entrada principal do cole, ao lado da biblioteca. Estade moi atentos porque as invitacións para os distintos actos xa están empezando a circular polo cole.

23 de abril : A festa dos libros!!!!

Try our slideshow creator at Animoto.

En abril, libros mil : Xuntanza na biblio

O vindeiro 23 de abril reunirémonos toda primaria na biblioteca para celebrar o Día do Libro.A programación para este día será a seguinte:
. Comezaremos escoitando o monólogo "Só un libro"( texto de Paula Carballeira)
. Contacontos: "El libro que se sentía solo".
. Visita á exposición dos nosos libros favoritos e presentación de cada un deles polos nenos/as e profes.
. Agasallo dun marcapáxinas.

EN ABRIL, LIBROS MIL : EXPOSICIÓN DE LIBROS

Co gallo da celebración do Día do Libro ( o vindeiro martes 23 de abril) gustaríanos facer unha exposición na biblioteca cos libros preferidos de todos nós , profes e alumnos/as. Para iso precisamos que acheguedes ao cole o voso libro preferido da casa. Nos vos esquezades de poñerlle algunha identificación.
Disfrutaremos dunhas xornadas moi entretidas, divertidas e emotivas escoitando o que tedes que contar acerca do voso libro.

Día da poesía 2013

 Durante toda a semana disfrutamos das máis fermosas poesías grazas ao expositor que durante estes días percorreu as nosas clases. Un ano máis reunímonos na biblioteca para conmemorar o dia da Poesía e ,desta volta, limos as nosas propias creacións. Escoitamos poemas adicados as nosas mascotas, a nosa familia, aos nosos medos...

24 de febreiro, día de Rosalía

Este ano a celebración do Día de Rosalía de Castro ten unha especial relevancia ao se cumpriren 150 anos da publicación de Cantares Gallegos .Durante esta semana realizaremos distintos actos conmemorativos na nosa biblioteca.
Para empezar, e despois de ler os datos sobre a súa vida e obra , serías quen de contestar a este cuestionario?







Agradecemos á biblioteca Soños de Andel do Ceip de Andrade compartir con todos nós este estupendo cuestionario e a Rosana Rodiles do Ceip de Pazos o diseño do cartel. Parabéns!!

RISCOS DE INTERNET

Esta semana na nosa biblioteca tivemos unha interesantísima charla impartida pola Garda Civil sobre os riscos en internet.Agora o que nos queda e relexionar sobre as couas que facemos mal, as que non facemos e as que deberiamos facer.
Dende aquí e en nome do colexio queremos agradecerlles a súa visita e contamos de novo con eles no terceiro trimestre con un tema tamén moi interesante : o acoso escolar..

30 de xaneiro : Día da Paz

"ESTOY HECHO DE

DOS COLORES QUE SE AMAN" 
Con esta frase do fermosísimo libro  " Colores que se aman" de Paco Abril celebramos no noso cole  o Dia da Paz. Escoitamos na biblioteca o conto, fixemos os nosos corazóns entrelazados con cores que se aman, e pintamos o muro do patio con multitud de corazóns de moitas e fermosísimas cores.

XANEIRO 2013: UNHA ESCRITORA DE L.I.X. NA ACADEMIA

A RAG (Real Academia Galega) acaba de elixir a Fina Casalderrey como académica numeraria.
Con Fina entra na Academia unha muller (por méritos propios) pero tamén a literatura infantil e xuvenil. Diso vai tratar o seu discurso de entrada, escoitaremos esas palabras que tratan desta literatura non sempre asumida como LITERATURA (con maiúsculas).
Realmente estamos de noraboa, pois sentímonos moi ben representadas por esta muller que entre outros conta con Premio Nacional de Literatura Infantil e Xuvenil. Unha muller que ademais é mestra (¿acaso se deixa de ser por non ir xa á escola?) e, polo tanto, mediadora do libro. Unha académica de luxo!

Vía Asesoría Bibliotecas Escolares