ENTROIDO 2014

Es un bo/a detective? Se queres comprobalo prema en cazatesouros e...adiante!!!!!

24 de febreiro, DÍA DE ROSALÍA

Durante toda a semana celebramos na biblioteca "O Día de Rosalía". Comezamos o luns 24, data que conmemora o seu nacemento, escoitando na biblioteca o poema "Adiós ríos , adiós fontes" que recitaron  os nenos e nenas de 2º de ed. Primaria, moitos deles de memoria.
O resto dos cursos están a traballar en distintos poemas que logo exporemos na biblioteca e daremos boa conta deles neste blog.
Sumámonos tamén a iniciativa da AELG de facer un graffiti nos nosos muros; actividade que realizaremos cando o tempo nolo permita.

OMBRO CINEMA NA BIBLIO

O venres Uxía, coa axuda de Carla,  contounos o conto "Nueva York en Pijamarama" de  Michaël Leblond e Frédérique Bertrande

 Nesta historia un neno vestido co seu pixama de raias sobrevoa a cidade de Nova York  autoestradas, tráfico de vehículos, rúas iluminadas e cheas de xente ,impresionantes rañaceos que contrastan coas árbores de Central Park, todo enmarcado nun gran  bulicio de sons. 
As imaxes do libro cobran vida grazas a técnica cinematográfica denominada ombro-cinéma, desenvolvida en Francia no século XIX. Consiste en superpoñer unha lámina de acetato con raias verticais sobre a páxina ilustrada, de modo que, ao desprazala, crea unha sorprendente ilusión óptica de movemento. A mediados do século XX o sistema utilizouse para desenvolver pequenos xoguetes e aplicalo tamén aos libros. O artista visual Rufus Butler Seder foi un dos seus promotores, pero Michaël Leblond e Frédérique Bertrande elevan, neste libro,o listón da calidade con ilustracións a toda cor e un deseño moderno e atractivo.

Seguimos a pista das MOCHILAS VIAXEIRAS

Un dos obxectivos  principais da mochila viaxeira é sobre todo disfrutar toda a familia.No ecuador desta viaxe vemos que este obxectivo estase a cumplir.Aquí vos deixo unhas fotos de dúas manualides que fixeron Noemí de 5 anos e Manuel de 3º de primaria coa axuda das súas familias e seguindo os pasos dos libros de manualidades que este ano formaban parte do material das mochilas.

Parabéns para todos.

                                    

                                       Galiña feita por Noemí

Avión de Manuel

MARÍA MENÉNDEZ VISITA A NOSA BIBLIO

A semana pasada nos "Contos na biblio" coñecimos a Pupi , un extraterrestre azul que chegou ó noso planeta dende Azulón, un planeta a miles de galaxias do noso. Escoitamos unha das súas aventuras "Pupi e as pantasmas" e rimos coas súas ocurrencias e o seu vocabulario tan particular. Pois ben, hoxe tivemos unha GRAAAN sorpresa xa que María Menéndez a creadora de Pupi estivo con todos nós na nosa biblio. Contounos moitísimas anécdotas e secretos do noso amigo azul.Pasamos unha hora moi entretida con ela; disfrutando da súa simpatía e da súa ilusión.

Moitísimas grazas María pola túa visita e polas túas fermosas dedicatorias.

                                                                                 

CON MOITO AMOR

CROCODILO NAMORADO

 E neste 14 de febreiro aquí vos deixo un fermoso conto de amor entre Crocodilo e Xirafa. O conto está contado polos nenos e nenas de 3 anos do CPI Mondariz ós que lles damos as grazas por compartilo con todos nós.
Noraboa polo voso traballo.

Hora de Ler...BIOGRAFÍAS

"Me llamo..." é unha colección de libros da editorial Parramon que chegou á nosa biblioteca moi caladiña e sen facer moito ruído. Presentada en sociedade , como toda novidade que se precie, pasou ó seu andel e alí quedou olvidada como o protagonista de "  O Libro que se sentía so".
Un día dentro das caixas de aula chegou á clase de 6º e a  partir deste momento foi tal a súa aceptación que rapidamente mercamos a colección completa e incluímola dentro do itinerario lector do 3º ciclo.
Neste curso, durante o primeiro trimestre, os rapaces e rapazas de 6º escolleron entre todos os títulos unha biografía e na Hora de Ler foron adentrándose na vida de cada  un  dos personaxes.
Logo fixeron uns fantásticos traballos sobre cada biografía e os presentaron na biblioteca en diversos formatos: Power Point , caracterizacións, murais, carteis... converténdose en expertos técnicos de imaxe e son e orixinais maquetadores.
Unha actividade moi gartificante.
                    Moitas grazas a todos e todas polo voso entusiasmo e esforzo.

Hora de ler from bibliomugardos

DÍA DA PAZ E A NON VIOLENCIA

Día da paz e a non violencia from bibliomugardos