"UN ANAQUIÑO DE AGUSTÍN " PARA ESTE NADAL

O NOSO PRIMEIRO "BOOKTRAILER"

   

As nosas felicitacións para os nenos e nenas de quinto Ed. Primaria por este sensasional traballo en equipo.
E dende aquí animamos ao resto do alumnado a facer os "booktrailers" dos seus libros favoritos.

25 NOVEMBRO :CONTRA A VIOLENCIA DE XÉNERO

Cóntame unha lenda : A lenda do mago Antón

Os nenos e nenas de quinto , xunto coas mestras encargadas da biblioteca, prepararon  a representación "A lenda do Mago Antón" baseada no libro "O señor Mago e a folla"  de Toño Núñez.
Deseñaron e pintaron os escenarios...
Prepararon os textos...
...recopilaron todos os materiais necesarios para a representación
... e ensaiaron moito
 e gustounos moitiiiiisimo.
Grazas a todos e todas polo esforzo.

                    

           

Magosto e Día do Peón con...Paco Nogueiras

Polo Samaín...libros , contos e cabazas

DÍA DAS BIBLIOTECAS ESCOLARES : APADRIÑAMENTOS LECTORES

Hoxe celebramos o "Dia das Bibliotecas Escolares" e que mellor comezo que con este anaquiño do pregón de Ledicia Costas,

(...)Alguén  me contou que o 24 de outubro é o Día das Bibliotecas. Sería xenial organizar unha festa con confeti e pompas de xabón. Celebrala ao grande. Encantaríame vestirme para tal ocasión como o personaxe dalgún libro, sentarme na mesa dunha biblioteca da cidade onde vivo e esperar a que fosen visitarme. Nas bibliotecas podes ser quen ti queiras. Desde Mary Poppins ata Matilda, Atreyu, Drácula ou mesmo Pippilotta Viktualia Rullgardina Krusmynta Efraimsdotter Långstrump. Podes poñer botas de pelo, plumas, zancos e chapeus. Chapeus! Iso é! Imaxino a unha pequena lectora achegándose a min discretamente, atraída polas cores e formas do meu chapeu(...)



E para continuar coa celebración pasamos unha mañá moi especial e divertida disfrutando dos contos da nosa biblioteca cos nosos padriños e madriñas lectoras.

CONTACONTOS EN FAMILIA

Dende a biblioteca non podemos estar máis contentos. Comezamos a nosa andaina e xa contamos cunha familia disposta a agasallarnos cun conto.
Hoxe visitounos Susana, a nai de Pepe de 1º de Ed. Primaria e Lidia a tía de Iciar de 2º .
Así "As orellas de bolboreta" fixéronnos valorar as nosas diferenzas e "Unha chea de familias" achegounos a un edificio cargado de familias moi diferentes e peculiares.
Os nenos e nenas disfrutaron moitísimos coa  súa visita e quixeron agradexcerllelo cun orixinal cadro otoñal elaborado por eles mesmos.
Dende a biblioteca moitísimas grazas a Lidia e Susana.

CARTA DE DOMINICUS

Hoxe recibimos nas clases unha carta do noso amigo Dominicus, a mascota da biblioteca , na que nos convida a visitar durante toda a semana a nova biblioteca do cole.
Puxémonos todos e todas moi contentos xa que estabamos esperando moi impacientes a apertura da biblio.
 A ver que novas nos trae este curso Dominicus!!!!

BIBLIOTECA ESCOLAR : TERRITORIO DAS ARTES

Co cartel diseñado por Minia Regos e co lema deste curso : Biblioteca escolar, territorio das Artes abrimos as portas  da nosa biblioteca un ano máis.
Como  moi ben recolle o blog de Bibliotecas Escolares:
"Biblioteca Escolar, Territorio das Artes convida a explorar fórmulas para espertar nos lectores o interese por achegarse  e apreciar  os produtos artísticos, pero sobre todo a experimentar o pracer de expresarse a través da música, a pintura, a arquitectura, a danza. o teatro, a literatura, a escultura, as artes visuais ( cine, cómic, fotografía,videocreacións, videoxogos)
Ademais desta fermosísima ilustración o cartel agocha o último vídeo de Agustín Fernández Paz para as Bibliotecas Escolares. Poderás velo a través da aplicación Aurasma de Realidade Aumentada.

LECTURAS AO SOL E Á SOMBRA 2016

Created with Padlet

PROXECTO DE CENTRO : MANUEL MARÍA

Power point proxecto de BIBLIOTECA UNION MUGARDESA

LETRAS GALEGAS 2016

DÍA DO LIBRO

Contacontos "A Historia de Brancaflor"

"D QUIJOTE" EN REALIDADE AUMENTADA

REALIDADE AUMENTADA
CON AURASMA

Pois esta foi a sorpresa coa que nos atopamos na biblio despois da Lectura Compartida das Aventuras de D.Quijote. O libro do expositor agachaba unha sorpresa na súa portada : O episodio en debuxos animados da aventura dos muíños que acabábamos de ler.

SEMANA DO LIBRO

Co gallo da celebración do Día do Libro durante esta semana realizaremos diversas actividades para conmemorar esta data.
Coñeceremos os aspectos máis relevantes da vida de Miguel de Cervantes a través de actividades Lim, lecturas na biblio e na aula, exposición de traballos, concursos...

Na "Hora de Ler" a través de lecturas compartidas , coñeceremos a figura e as aventuras e desventuras de "D. Quijote" , con sorpresa final!!!

O mércores, sesión de contacontos para todo o alumnado. A compañía "Os Sete Magníficos máis un" baixo a dirección de Avelino González achégase ata o noso cole co espectáculo "A Historia de Brancaflor", un conto máxico sobre a forza do amor.

O venres, actividades conxuntas para todos os nenos e nenas , na que realizaremos un taller cervantino onde elaboraremos unhas fantásticas gorgueras. Traballaremos en pequenos grupos mesturando as idades e nas que os maiores farán de guías ós máis pequenos/as.

E para o resto da comunidade educativa, estades todos e todas invitados a facer "Un selfie con D.Quijote" e que o compartades nas vosas redes sociais.

"El que lee mucho y anda mucho, ve mucho y sabe mucho" Miguel de Cervantes.

FELIZ SEMANA DO LIBRO

Máis poemas en abril

Despois de escoitar ós compañeiros de 6º ler os seus poemas ,os nenos e nenas de 4º tamén quixeron facer as súas composicións e presentalas na biblio ó resto do cole. Prepararon a exposición e o resultado foi excelente.

Penso que aquí tamén hai grandes escritores e escritoras!!!
Parabéns!!!

SEMANA DA PRENSA

Que é unha portada? e un pé de páxina ? unha editorial? e unha edición?

Estas e moitas preguntas máis tiveron que contestar durante esta semana os rapaces e rapazas sobre os xornais.
A partir dun caderniño, elaborado polo Equipo de Biblioteca , traballaron cos xornais e coñeceron un pouco máis a fondo o mundo do xornalismo.

Lectura de Haikus na biblio

Despois da homenaxe a Lorena os seus compañeiros e compañeiras tamén quixeron ler as súas creacións a todo o cole.

PARABÉNS PARA TODOS E TODAS POLO BO TRABALLO.
   







                                                                                                                                                                                                                                                                 

                

En abril, poemas mil

Pois si, en abril poemas mil e ademais estamos de celebración .Lorena Álvarez de 6º foi a gañadora do Certame de poesía do Concello de Mugardos e o pasado sábado 2 de abril recolleu o premio no Concello. Ó acto tamén asistiron moitos dos seus compañeiros e compañeiras a recoller o seu diploma por ter participado no concurso.
Pois como non íamos ser menos, no cole tamén tivo a súa homenaxe.
Escoitamos encantados o seu poema e recibiu as nosas felicitacións.

MOITÍSIMAS FELICIDADES LORENA E QUE SE CUMPLA O TEU SOÑO DE SER ESCRITORA. ESTE XA É UN BO COMEZO!!!!!!

XA TEMOS CÓDIGO QR

Metidos de cheo este curso na Realidade Aumentada , xa temos por fín o código QR da nosa biblio!!!

Seguimos a traballar neste tema e agárdanvos moitas  máis sorpresas, estade moi atentos!!!!

LEMBRANDO A ROSALÍA

Hoxe lembramos a Rosalía de Castro  enviando a todas as familias unha tarxeta postal co poema  escrito e ilustrado por cada neno e nena do cole "Canta, paxariño alegre".
Esta actividade surxe trala proposta da AELG.


Ademais do envío de postais fixemos un recitado de poemas e cantamos unha cantiga.

Coñecemos os riscos de internet?

Un ano máis da man da Garda Civil o alumnado de 6º e 5º de primaria tiveron unhas charlas sobre os riscos de internet e como navegar seguros pola rede.
Para non esquecer todas  as recomendación lembramos a recopilación de vídeos que fixemos o curso pasado e que sería convinte volver a ver .

Created with Padlet

DÍA DA PAZ E A NON VIOLENCIA

Para conmemorar esta data realizamos diversas actividades :

• Sesión de contacontos : Os nenos e nenas de 6º prepararon o conto de Paula Carballeira " O Principio"  para contárllelo a todo o alumnado do colexio.Ó rematar ensináronos a montaxe que elaboraron cos debuxos que os nenos e nenas dos campamentos de refuxiados sirios fixeron sobre a súa visión da guerra.Todas estas  fotografías as foron recopilando, seleccionando  e clasificando  da prensa, e que nos presentaron baixo o título "Soños de Paz".
• Na clase de música prepararon "O Rap sobre a Paz" acompañado con percusión e co que disfrutamos todo ó colexio.

• Ademais deste fantástico rap, todo o cole cantamos e bailamos a canción de O sonoro maxín : "Quérote máis".

• Tivemos durante esta semana un taller de plástica para aprender a facer muíños de papel, que logo decoramos con frases e desexos de paz. Na celebración do día da paz limos os nosos desexos e fixemos xirar os nosos muíños.
  

E como xa é costume no cole, decoramos os corredores e a entrada  con murais alusivos elaborados con distintas técnicas.

CONCURSO DE POESÍA CONCELLO DE MUGARDOS

Un ano máis o Concello de Mugardos convoca un novo Certame de Poesía.
Os alumnos e alumnas de 6º van participar nesta convocatoria presentando os haikus elaborados no taller de poesía.
Moita sorte a todos.

TALLER DE POESÍA : OS HAIKUS

QUE SON OS HAIKUS?
Esta foi a pregunta coa que se encontraron os rapaces e rapazas de sexto nada máis entrar na biblioteca.
Pois postos os grupos a funcionar, en libros e ordenadores,puxéronse mans á obra na procura de información sobre os haikus.
Despois dunha posta en común, recopilaron haikus, analizáronos, comentáronos... e xa coñecedores da técnica puxéronse a crear.
Que ainda non sabes do que estamos a falar? Pois pincha no seguinte enlace e ponte ó día.
Que son os haikus?

PROCURA EN INTERNET : INFOGRAFÍAS A TER EN CONTA

Engadimos ó noso muro sobre "ALFIN para profes" estas dúas infografías que elaboraron os compañeiros e compañeiras do Ceip de Canosa- Rus.

PARABENS E GRAZAS POR COMPARTIR!!!