BIBLODOMINICUS

decembro 22, 2014

RECOMENDACIÓNS LECTORAS PARA O NADAL

decembro 12, 2014

decembro 11, 2014

Como ben sabedes o proxecto no que nos embarcamos con moitísima ilusión este curso xira entorno ó mundo da radio.
Tomamos como punto de partida unha das celebracións máis emblemáticas da nosa terra , o magosto.
Visitamos a nosa biblio, preguntamos ás nosas familias....e recopilamos unha morea de información sobre as castañas, os castiñeiros, refráns, cantigas, lendas... Traballamos con toda esa información nas aulas coordinados/as polas mestras ; seleccionamos, recortamos engadimos, opinamos...e elaboramos uns completos traballos que expuxemos na biblioteca o Día do Magosto e que estarán expostos nas corcheiras dos corredores do cole durante este curso.
Un grupo de alumnos e alumnas de 3ª, 4º, 5º e 6º coordinados por Tonecho e Iván ( o presidente do ANPA) refundiron todo este traballo nun formato de guión radiofónico.
O resultado xa o temos aquí neste podcast.

outubro 30, 2014

Arranca a primeira Mochila Viaxeira

Os nenos e nenas de primeiro de primaria recibiron hoxe a mochila viaxeira para este curso. Unha mochila cargada de novidades e por suposto sorpresas sobre todo para as familia.Este ano a mochila recolle os libros feitos polos nenos e nenas na súa etapa de Ed. Infantil: "A pedra do cú da raíña" e "O libro das flores". Ademáis dun libro de aventuras con Pupi, un libro para os maiores da casa,unha peli moi divertida sobre o ratiño Pérez, o libro de animais "Camuflajes" e como non podía ser menos este curso un libro relacionado coas matemáticas.
Na mochila aparece unha enquisa para saber a vosa opinión sobre o material.
Esperamos que vos guste!

outubro 24, 2014

DÍA DAS BIBLIOTECAS ... MATEMÁTICO

"Biblioteca escolar...matemático" é o lema elixido para o cartel da campaña de comezos deste curso 2014-2015 nas bibliotecas escolares galegas e como fío condutor durante este mes de outubro ás actividades programadas na nosa biblio.

Sofía, gañadora do concurso

Durante toda a semana preparamos unha exposición de libros coa temática das matemáticas que ollamos,limos,manipulamos...nos recreos,na hora da biblioteca ou na Hora de Ler.

Hoxe 24 de outubro Dia das Bibliotecas Escolares resolvimos as preguntas do concurso :Que é un tangram? De que país é orixinario?. Despois da posta en común fixemos uns fermosos marcapáxinas con figuras do tangram.
Ahh e a gañadora do concurso foi Sofía de 4º de primaria que levou como agasallo o novo libro do Diario de Greg.

outubro 20, 2014

ATENCIOOOON.....CONCURSO!!!!!!!!!

Primeiro concurso do ano.
Que hai que facer?
Pois moi doado .
Na entrada da biblio atoparás as tarxetas para participar neste concurso. Terás que cubrilas coa resposta acertada e os teus datos persoais.
Que non sabes a resposta? Non hai ningún problema .Na biblioteca están toooodas as respostas.

Anímate a participar e moita sorte.

outubro 19, 2014

NOVIDADES

As primeiras novidades que traemos este curso son algúns dos libros que recomendabades mercar nas enquisas de xuño. Durante esta semana o expositor percorrerá as clases e a finais de mes xa estarán nos andeis da biblioteca para que os poidades levar para casa, para clase ou para ler na biblio.
Aquí vos deixamos unha referencia a algúns deles e...
.... esperamos as vosas novas suxerencias!!!!!

Created with Padlet