Coñecedes este cadro?

Queredes coñecer moitísimas cousas máis? Pois estade moi atentas e atentos ao seguinte vídeo :

EXPOSICIÓN DE ARTE DE EDUCACIÓN INFANTIL

Durante este primeiro trimestre unha seleción de libros relacionados coas artes plásticas viaxaron da biblio ao  ambiente de arte de Ed.Infantil.
Todos estes libros axudaron a todos os nenos e nenas a inspirarse para ...
Queredes ver para que lles serviron?
Pois ...dentro video!!!

CONTACONTOS NA BIBLIO : ASOCIACIÓN APELÓN

A QUE SABE A LÚA?

"Había moito tempo que os animais andaban a matinar a que sabía a lúa. Era doce ou salgada?
Só querían probar una anco pequeno.Polas noites, miraban ansiosos para o ceo (...)

A HISTORIA DOS BONOBOS CON LENTES

(...) Os bonobos que quedaron continuaron lerianso e comendo froitas e bagas, noces e
sementes,  raíces e brotes que as bonobas recollían para eles" (...)

(...) Winnie the Witch looked out of her window and shivered. Heer garden was covered in snow" (...)



Pois sí, un curso máis tivemos a gran sorte de que a Asociación Apelón estivera na nosa biblioteca . Escoitamos o conto A que sabe a Lúa? que nos contou Aida , a nai de Xoel; Juan , o avó de Carlota e Adriana, contounos  a historia dos Bonobos e Victoria presentounos unha nova aventura de Winnie the Witch.
Moitísimas grazas aos tres e a todos e todas as persoas da Asociación que fan posible que se leven a cabo estas iniciativas.

RECOMENDACIÓNS NADAL 2019

COMO QUEREMOS O NOSO NADAL

CHARLAS NA BIBLIO : PLAN PROXECTA

Como ben sabedes, este ano no noso colexio estamos a participar no “Plan Proxecta:
Recíclate con Sogama”. Por iso, dentro deste programa tivemos unha xornada de formación para o alumnado de 5º  e 6º de Ed. Primaria aquí na biblioteca.
Nesta sesión, Julia, recordounos cousas que xa coñeciamos e ensinounos outras que nos
sorprenderon moito. Por exemplo, que xa non falamos do 3R senón de 5R: Reducir, Reparar, Recuperar, Reutilizar e Reciclar, aínda que xa se está a falar de máis como o Recuperarenerxicamente a parte non reciclable.
Tamén nos resolveu moitas dúbidas que tiñamos con respecto ao que podemos tirar ou non no noso composteiro e nos diferentes contedores do lixo. E que pasa despois de que veña o camión a baleirar os contedores.
Por último, e non menos importante, aprendemos que hai moitos máis contedores dos que estamos acostumados a ver na rúa, temos o minicontedor das pilas (como o que hai no cole),o punto SIGRE (atopámolo nas farmacias), os puntos limpos...
FOI MOI INTERESANTE!!
 Se queredes ter máis información podedes entrar en
http://www.sogama.gal/es/info/reciclate-con-sogama

CHARLA NA BIBLIO.DÍA DA DISCAPACIDADE

Onte na biblio conmemoramos o Día da Discapacidade, aproveitando a ocasión para tratar o tema da diversidade dunha maneira máis ampla.
Para isto, o Departamento de Orientación preparounos una charla cun obxectivo moi claro" visibilizar, concienciar, facer pensar e comezar unha serie de accións encamiñadas a aportar unha visión máis ampla do que é a discapacidade, necesidades educativas, empatía , respecto e comprensión"
A partir do visionados de diversos videos e  contos buscabase a implicación e
participación dos nenos e nenas , creando roldas de pregundas,pequenos debates e charlas.

25 N

Aquí tedes o vídeo que fixeron o alumnado e profesorado do cole a partir do conto "Me llamo Pecas" de Raquel Díaz Reguera, co fin de eliminar estereotipos de xénero.

Despois de ler o libro e ver este vídeo, preguntámonos...
PERO...
Hai cortes de pelo de nena e cortes de pelo de neno??
Hai xoguetes de nena e xoguetes de neno??
Hai zapatos de nena e zapatos de neno??
...

Pois todas estas preguntas van ser motivo de debate nos faladoiros desta semana.
Estaremos moi atentos e atentas as conclusións.

AMADRIÑAMENTOS E APADRIÑAMENTOS LECTORES ANUAIS

“ Non hai espectáculo máis fermoso
…………que a mirada dun nen@ que le ”

Günter Grass

Xa levamos varios anos no noso colexio facendo amadriñamentos e
apadriñamentos lectores. Este ano quixemos ir un paso máis alá e facer que
estas relación perduren no tempo ,todo o curso escolar. Para comezar esta
nova andaina todo o alumnado participante tivo que firmar un contrato de
compromiso lector. As madriñas e padriños comprométense a ler o mellor
que saben para que @s afillad@s entendan a lectura. E pola outra banda ,@s
afillad@s comprométense a escoitar con atención e sen interrupcións a
lectura .
O alumnado de 3º de EP amadriña e apadriña ao alumnado de 1ºEP.Todos os
xoves na hora de ler @s maiores len aos pequen@s/as lecturas científicas.
O alumnado de 1º de EP amadriña /apadriña ao alumnado de 6ºEI. Todos os
xoves ás 12:30 h. Neste caso @s maiores len contos aos máis pequen@s

Este programa favorece as relacións sociais entre nenas e nenos de
diferentes idades e mellora a convivencia no colexio,mellora o respecto hacia
o traballo d@s meus compañeir@s e fomenta a motivación e o hábito da
lectura como unha actividade de lecer e desfrute.

DOMINICUS INFORMA!!!!!!!