SOFÁ E MANTA. LECTURAS COMPARTIDAS CON ALICIA

Hoxe Alicia quere compartir con nós un anaquiño dun libro que lle gustou moito

Un cole horripilante, de Francesca Simon 

Compartimos con Alicia este ratiño de lectura ?

SOFÁ E MANTA . CONTACONTOS CON PAULA CARBALLEIRA

Hoxe compartimos con vós o videoconto " O pequeno morcego "a cargo dunha contacontos moi especial, Paula Carballeira.

Publicado no Salón do Libro na súa sección Salón virtual.

SOFÁ E MANTA. OS NOSOS MAIOS

SOFÁ E MANTA .CONTACONTOS CON MARTINA, ADRIANA E PAULA

De que cor é un bico? 
Non coñeces a resposta?
Pois escoita o conto de hoxe que nos traen
      Martina, Adriana e Paula.

SOFÁ E MANTA. CONTACONTOS CON LÍA E CAROLINA

Hoxe Lía e Carolina vannos contar un conto moi especial de Pepa Bellón titulado MAMÁ.  Nós queremos aproveitar a ocasión para adicarlle este conto  a todas as nais.
Moitíiiiiiisimos bicos para elas!!!

Grazas Lía e Carolina por enviarnos este vídeo.
E tí , queres contarnos un conto? Pois anímate ,estamos esperándote.

SOFÁ E MANTA . OS MAIOS

OS MAIOS    

Tastarabás. Enciclopedia dos brinquedos tradicionais. Antón Cortizas.

  DESCRICIÓN

A construción dos Maios é unha vivencia lúdica que se celebra co gallo da floración luxuriosa da primavera. Ao longo do país constrúense diferentes tipos de Maios, entre os que citamos:

Maio humano. Unha persoa é cuberta totalmente con ramalleira de xestas e flores silvestres de todo tipo.

Maio cónico ou piramidal. Constrúese unha sorte de cono ou pirámide florida, que se circunda con rosarios feitos de carrabouxos, laranxas ou ovos. Nalgúns lugares, no seu interior vai un neno que fai de Maio.

Maio arbóreo: Outras veces o Maio é unha árbore que se tala do monte e lévase ao lugar máis céntrico da parroquia ou lugar.

Maios de altar. Os Maios son tamén unha sorte de altares floridos situados sobre unha caixa ou unha mesa, cuberta cunha saba ou mantel. Sobre ela ármase calquera ornamentación floral, combinando flores, cores e tamaños. Úsanse para estes Maios elementos auxiliares como poden ser xarros para colocar neles as flores.

Pratos do maio. Os maios máis sinxelos fanse cun pratiño pequeno, de louza, no que se coloca unha imaxe, quer tradicionalmente era unha estampa, e sobre ela unhas poliñas de fiúncho e algunhas flores miúdas. Con este prato os cativos piden o Maio polas casas da veciñanza.

Maios artísticos: Modernamente realízanse Maios máis complicados, dándolles formas variadas, que poden atinxir mesmo verdadeiras escenificacións floridas.

Maios protectores. Aínda hai Maios, que sen case chegaren a selo, son sinxelas pólas floridas de xestas e outras especies que se colgan das portas e xanelas como elemento protector.

SOFÁ E MANTA . AS PRINCESAS QUE NON QUERÍAN SER PERFECTAS

A pasada semana disfrutamos dunha  sesión moi especial de contacontos con Pili.

 Pili contounos a historia de tres princesas que non querían ser perfectas. 

Hoxe traemos ao noso blog o conto en formato dixital que montamos coas ilustracións da gran pintora galega Maruja Mallo.

Esperamos que vos guste.

( clica na foto para ver o conto)

SOFÁ E MANTA . CONTACONTOS CON YURI

O conto de hoxe titúlase  " Piñeiro , Piñeiro" 
 e o noso contaconto é  Yuri.
Moitísimas grazas Yuri por compartir con nós este interesante conto

SOFÁ E MANTA . PREPARANDO A FESTA DOS MAIOS

SOFÁ E MANTA. ASÍ CELEBRAMOS O DÍA DO LIBRO

Daniela para celebrar o Día do libro escolleu un anaquiño do libro "O Principiño" e así quixo compartilo con todos nós

Pepe e Adriana tamén celebraron o día do libro nas súas casas .Fixeron uns fermosos carteis e prepararon uns ricos aperitivos Mmmmmmm!

Noa   enviounos tamén un video deste día . Como veredes , como contacontos, a Noa non lle falta detalle!!

Moitísimas grazas a todos e todas por participar !!!