noviembre 29, 2015

A IGUALDADE TAMÉN CONTA

Baixo este lema "A igualdade tamén conta" traballamos durante esta semana o tema da igualdade.
Comezamos elaborando lazos conmemorativos en recordo das vítimas da violencia de xénero. Os nenos e nenas de 6º de primaria comprometéronse a facer un taboleiro denuncia no que irán colgando noticias relacionadas coa igualdade/desigualdade de xéneros .
Os nenos e nenas do primeiro ciclo tiveron unha sesión de contacontos baseada no libro "Airiña bailarina".
E os peque do cole viaxaron ata Narón para ver a obra de teatro "O País dos Mandóns"
E para rematar unha lectura compartida :     " Elmer " o noso elefante favorito.




No expositor móbil estarán , entre outros , estes libros...Atento que pronto entrarán na túa aula para disfrutar deles de novo.

noviembre 27, 2015

ADIÓS A NEIRA VILAS



HOXE TODOS OS XORNAIS RECOLLEN A TRISTE NOTICIA DA MORTE DUN DOS MÁIS GRANDES DA NOSA LITERATURA , XOSÉ NEIRA VILAS.
Durante as vindeiras semanas realizaremos diversas actividades para recordalo.


El Faro de Vigo
EL País
La Voz de Galicia

noviembre 24, 2015

TEATRO : "JIM E A ILLA DO TESOURO"

Pois si, aquí temos a sorpresa ...Imos ó teatro a disfrutar desta fantástica obra e esta é a súa carta de presentación que a compañía fai dela:
"Jim e a Illa do Tesouro é unha peza cunha linguaxe estética moi coidada en que actores e monicreques aparecen en escena nunha simbiose perfecta, chea de acción, de música e arroupada por unha atmosfera que nos traslada inmediatamente a un mundo fantástico e aventureiro.
Música, acción, liortas, humor, piratas desapiadados, piratas parvos, pernas de pau, parches no ollo, papagaios, cancións corsarias, un tesouro agochado, unha illa remota e unha busca chea de aventuras. Jim e a Illa do Tesouro conserva todos os elementos que fixeron da peza de Stevenson o maior clásico das novelas de aventuras e unha fonte de inspiración para posteriores filmes, obras de teatro, bandas deseñadas e novelas de temática pirata.
Sinopse
O pequeno e valente Jim Hawkins rexenta co seu pai unha pequena pousada na costa de Inglaterra. Diante do mar soña con vivir aventuras e converterse nun gran mariño. E abofé que o fará! O destino fai que chegue ás súas mans o mapa do tesouro do pirata Flint, para deste xeito, comezar a viaxe á Illa do Tesouro. Unha viaxe onde Jim navegará por medio mundo, vivirá múltiples aventuras, cruzarase con temibles piratas (quizais non tan temibles) e descubrirá unha amizade eterna."


noviembre 18, 2015

SEMANA DA TRADICIÓN ORAL

Martina foi a encargada este ano de contarnos unha antiga lenda celta que estaba agochada trala porta da súa clase de 6º de primaria.
Unha antiga lenda sobre a celebración do Samaín coa que pasamos un pouco de tensión e como non....de MEDO.
Parabéns para Martina!!!!!

noviembre 15, 2015

A ILLA DO TESOURO

A Illa do Tesouro  un clásico da literatura infantil volve ás nosas aulas nunhas sesións de lecturas compartidas .
Disfrutade moito con este libro de piratas, tesouros, mapas misteriosos...
e.....pronto teremos unha gran sorpresa relacionada con este libro.

noviembre 06, 2015

CORRE, CORRE CABACIÑA

Os nenos e nenas de 6º de primaria prepararon para todo o colexio unha adaptación do libro "Corre , corre cabaciña" en sombras chinesas.
O resto do alumnado prepararon a canción baseada neste libro para participar tamén na representación.
Parabéns para todos/as!!!!!

noviembre 03, 2015

ARRIBA O TELÓN

"La ramita de Hierbabuena" conta as peripecias que ten que pasar Asterio para conseguir " una ramita de hierbabuena" que a  súa nai precisa para facer un sabroso guiso. Deberá resolver enigmas, superar probas e andar por camiños e lugares descoñecidos.
Pois esta é a pequena reseña da obra de teatro que veremos esta semana no Teatro de Narón.
Disfrutade moito e....Xa nos contaredes !!!!

octubre 30, 2015

NOVEMBRO...MES DAS CABAZAS!!!!!!

Esqueletos,monstros,morcegos...así apareceron decoradas todas as portas das aulas....
.....Que se agachará tras elas?


Ademais das portas así atopamos a entrada do cole......

MOCHILAS VIAXEIRAS

Despois de por en marcha as bolsas viaxeiras , agora tócalle o turno ás mochilas. Libros e diversos materiais para compartir toda a familia.
Todas as mochilas levan  ademais un caderno de avaliación para coñecer a vosa opinión sobre o seu contido e así saber se é do voso agrado.

octubre 26, 2015

QUE É UNHA VELUTINA?

Avispeiro de Velutina
Durante a semana pasada  os rapaces e rapazas do terceiro ciclo de primaria estivemos investigando sobre as velutinas, avispas asiáticas ou avispas asasinas.Elaboramos unha serie de preguntas sobre este insecto para facerllelas ós apicultores da Casa do mel de Goente que visitaron o venres o noso cole.
Construimos as trampas
Escoitamos ós apicultores, aprendimos a distinguir esta especie de avispas doutras, os seus costumes...
Vimos de cerca un dos seus impresionantes avispeiros e para rematar construimos unhas trampas con botellas de plástico e saimos a colocalas polas  árbores dos arredores.
La Voz de Galicia na edición do sábado recolle unha reportaxe sobre esta actividade.

Ademais se queres saber máis cousas podes visitar estoutras páxinas
La Voz de Galicia

Apicultores de Navarra
Blog da Casa do Mel de Goente

LIBROS QUE VEÑEN E VAN

Xa temos listas as bolsas viaxeiras para o servizo de préstamos de libros para os peques de Ed. Infantil.
"Bolsas viaxeiras para libros que veñen e van"




octubre 06, 2015

Ledicia Costas é noticia

 Estamos moi, moi ledos.Enterámonos polo xornal que a nosa queridísima Ledicia Costas , que tivemos o gusto de coñecer o curso pasado, é Premio Nacional de Literatura Infantil y Juvenil polo fantástico libro de Escarlatina.
Moitísimas felicidades de todos os nenos e nenas de Unión Mugardesa.
Máis información : La Voz de Galicia
E aquí tedes unha reportaxe de Desde Galicia para el Mundo sobre moitos aspectos do libro.

octubre 01, 2015

ESTAMOS EN OBRAS!!!!

Como xa todos e todas sabedes estamos de reformas!!! A nosa biblioteca permanecerá pechada ata o segundo trimestre pero... seguiremos funcionando .
Continuaremos co servizo de préstamo dende as aulas a través das "caixas de aula" ; os libros de consulta e divulgación estarán polos corredores da primeira planta; habilitaremos un curruncho de lectura na entrada do cole cunha pequena exposición de libros; seguiremos coas mochilas viaxeiras, os libros que veñen e van, o club de lectura, as sesións de contacontos... en fin, con moitas dificultades pero...seguiremos VIVOS!!

mayo 06, 2015

Exposición "Historia do Libro"

Para pechar "O Mes dos Libros"  contamos coa exposición sobre a historia do libro, cedida durante a vindeira quincena polo IES Fernando Esquío de Neda.
A exposición estará aberta a toda a Comunidade Educativa en horario de mañá de 09:00 a 09:30 e de 13:30 a 14:00h. e o martes pola tarde de 16:00 a 18:00 h.
Esperamos a vosa visita e que sexa do voso agrado!!!

abril 15, 2015

ABRIL,mes dos libros :Contacontos

Esta semana as rapazas e rapaces do 1º ciclo recibiron unha invitación para asistir a unha sesión de contacontos na biblio.
Sabela e Clara de 3º de Primaria contaron aos seus compañeiros o conto "A que sabe a Lúa?" acompañado dunhas fermosas ilustracións do libro proxectadas.
Parabéns Sabela!!
Parabéns Clara!!

abril 01, 2015

ABRIL, mes dos libros : Contacontos

Para comezar este mes contamos , un ano máis, na nosa biblio con Iván. Desta volta contounos a historia de "Augusta e os seus medos" e a súa superación enfrontándose a eles.
Pasamos un rato moi agradable, como sempre.
Grazas Iván e grazas a Xerais.

marzo 27, 2015

Contacontos en familia

Lembramos a todas as familias que,un ano máis,están invitadas a participar nas sesións de contacontos na biblioteca.Porque os nosos nenos e nenas necesitan das historias e da literatura para medrar, para que un día comecen a contar as súas propias historias.
Estamos seguras de que será unha experiencia que non esqueceredes, nin esquecerán os vosos fillos/as,netos/as,sobriños/as...

marzo 15, 2015

Semana da astronomía

Co gallo do próximo eclipse solar teremos durante esta semana unha exposición de libros relacionados co mundo da astronomía.
Por que se producen os eclipses? e os días e as noites?
Quen xira a Terra ou o Sol?
Estas preguntas e moitísimas máis poderemos respostar durante esta semana na biblio.
Ademais contamos cun pequeno planetario co que poderemos por en práctica todo o aprendido.
A disfrutar coa ciencia!!!

marzo 03, 2015

Ledicia Costas visita a nosa biblio

"Escarlatina , a cociñeira defunta" foi un dos libros escollidos para o Club de Lectura neste curso. Contamos coa visita da súa autora, Ledicia Costas, e compartimos con ela durante unha hora a súa experiencia durante a creación do libro.
O final adicounos uns marcapáxinas que diseñamos na clase.
Moitíiisimas grazas Ledicia!!!!

marzo 02, 2015

MARZO coa poesía

Comezamos o mes , no tempo das lecturas compartidas do 1º ciclo,co libro de Helena Villar "As señoras cousas".
"Sabores de auga" foi o poema escollido . Inventamos palabras novas para os versos e plasmámolo nun mural na biblio.
e...quedounos así de chulo!!!
                                                                        

febrero 27, 2015

FEBREIRO, lembrando a Rosalía

O 24 de febreiro conmemoramos o Día de Rosalía.
Limos, cantamos, representamos gráfica e musicalmente o poema "O Moucho "... elaboramos murais, fixemos mandalas e fermosos marcapáxinas de mouchos.
Elaboramos tamén un libro Lim sobre o moucho.
A disfrutalo!!!

febrero 10, 2015

Separemos ben.Reciclaremos mellor

Durante o mes de xaneiro o alumnado do 2º Ciclo estivo traballando o tema da reciclaxe.
Dende a biblioteca fixemos unha selección dos libros que lles poderían axudar a coñecer mellor o tema e facer os seus traballos de investigación.
Ademais contamos na nosa biblioteca cunha charla  interactica que forma parte da Campaña de Concienciación e Educación Ambiental sobre residuos domésticos "Separemos ben, reciclaremos mellor" promovida pola Xunta de Galicia, Sogama, Ecoembes,Ecovidrio e os SIG de pilas.


febrero 05, 2015

XANEIRO, pola PAZ

...e así celebramos o Día da Paz no cole:

 Realizamos murais nas distintas clases : en música, en  inglés, coa profe de relixión, na Hora de Ler na biblioteca, coas titoras na aula...
Interpretamos os de quinto e cuarto unha fermosa canción para o resto dos nosos compañeiros e compañeiras.


Representamos no patio unha "pomba humana", bailamos unha danza todos collidos das mans e logo soltamos uns globos cos nosos desexos de paz.